چیف سیکرٹری خیبر پختونخوا شہاب علی شاہ سے اُن کے آفس میں ملاقات

بزنس مین فورم کے لیڈر اور ایف پی سی سی آئی کے سابق صدر غضنفر بلور کی سربراہی میں سرحد چیمبر کے صدرفضل مقیم خان ٗ سینئر نائب صدرعبدالجلیل جان اور نائب صدرشہریار خان نے چیف سیکرٹری خیبر پختونخوا شہاب علی شاہ سے اُن کے آفس میں ملاقات کی اور اس اہم عہدے پر دوبارہ تعیناتی پر مبارکباد پیش کی۔ سرحد چیمبر کے اعلیٰ سطحی وفد نے چیف سیکرٹری خیبر پختونخوا شہاب علی شاہ کو سرحد چیمبر آنے کی دعوت دی۔ انہوں نے بھرپور یقین دہانی کراتے ہوئے سرحد چیمبرکا دورہ کرنے کی دعوت قبول کرلی۔ دریں اثناء سرحد چیمبر کے وفد نے چیف سیکرٹری خیبر پختونخوا کو بزنس کمیونٹی کے مسائل سے بھی آگاہ کیا۔ چیف سیکرٹری شہاب علی شاہ نے کاروباری طبقے کے مسائل کے حل کیلئے عملی اقدامات اٹھانے کی یقین دہانی کرائی۔